Hab 2 | ZomZIV | STEP | Ka galvilna tungah dingin ka bosang tungah ka pang dinga, amah in kei tungah bang hong gen ding hiam, hih phunna bangci dawn ding ka hi hiam, cih ka en ding hi.

Habakkuk 2

1 Ka galvilna tungah dingin
ka bosang tungah ka pang dinga, ^a
amah in kei tungah bang hong gen ding hiam,
hih phunna ^{▼▼2.1 Ahikeh kei hong kitai ciangin bang ka cidawn diam} bangci dawn ding ka hi hiam, cih ka en ding hi.

TOPA Dawnna

2 Tua ciangin TOPA in dawnga,

“Tangkopa ^{▼▼2.2 Ahikeh tua a sim peuhpeuh in} in a taipih theih dingin ^d
ka kilaaknate gelh inla,
suangpekte tungah kiciansak in.
3 Ahang in, hih kilaakna in a kisehsa hun a ngak hi; ^e
hun tawpna gen dinga a khial kei ding hi. ^f
A tunghak kha zongin ngak in;
tua ^{▼▼2.3 Ahikeh amah a tunghak zongin ngak in} pen tung pelmawh dinga
a ziakai nawn kei ding hi. ^h
4 “En in, amah kisathei hi;
amah in thutang lo a deih hi -
ahi hangin thumaan mi ama upna hangin a nungta ding hi. ^{▼▼2.4 Ahikeh muanhuaina
,} ^j
5 Hi takpi hi, zu in amah lehhek hi;
amah kiphasakin khawl hun a nei kei hi. ^k
Bang hang hiam cih leh amah hankhuk ^{▼▼2.5 Hebrew in Sheol} bangin huaiham a,
sihna bangin lungkim hun a nei kei hi. ^m
Amahmah in minamte khawmkhawm a,
mite khempeuh a man khin hi. ⁿ

6 “‘Amaute in amah ciamnuih bawlin zahko gawpgawp uh a, ^o

“‘A guksa na ciang venvan a,
mi na a mawk laksak tawh hau a kisate, gimna nak thuak na nucia! ^p
Bangtan vei nong mang uh tam maw?’ ci uh hi.
7 Na leibatnate ^{▼▼2.7 Ahikeh leibate} uh ding pah lo ding uh hiam?
Amaute khanglo-in nang hong linglawngsak lo ding hiam?
Tua ciangin amaute vansuh na suak ding hi. ^r
8 Bang hang hiam cih leh minam tampite na buluh zo hi,
a kinusia lai mite in nang hong buluh ding uh hi. ^s
Ahang in, mihing sisan na luangsak khin hi;
leitangte le khuapite le a sunga omte na susia khin hi. ^t
9 “Thumaan lo metna tawh a kumpi-gam a phut,
a sangna ah bu a tom,
siatna pana suakta nuam tentante gimna nak thuak na nucia! ^u
10 Mi tampi siat nading na geel uh a, ^v
no inn sung mah ah maizumna tungsakin, na nuntakna uh lametna na beisak uh hi.
11 Kulh’ suangte kiko ding uh a, ^w
singa kibawl innkamte a thawn ding hi.
12 “Sisan luangsakin khuapi a phutte,
gitlohna tawh khuapi a kipsakte gimna nak thuak na nucia! ^x
13 Hih in Thahatpen TOPA piansak hi a,
mihing gimna meikhu-in lengmang khinin,
minamte sepsate bangmah lo suaksak hi lo ahi hiam?
14 Tui in tuipi a khuhcip bangin TOPA minthanna theihna tawh
leitung a kidim ding hi.
15 “Na vengte uh dawn ding pia a, ^y
a guaktanga a om a muhnop mana
amaute kham dong a zu-um pana a sunbehbehte gimna nak thuak na nucia!
16 Note, minthanna tangin maizumna tawh na kidim ding uh hi. ^z
Tu hun no hun ahi hi! Dawn unla kipholak un! ^{▼▼2.16 Masoretic Bupi; Si Tuipi Laizial; Aquila, Vulgate le Syriac(Septuagint zong en in) unla linglawng un
,} ^ab
TOPA khut taklam pana hai no tung hong tung ta hi, ^ac
na minthanna uh daina a suak ding hi.
17 Lebanon tunga na ngongtatna uh no tung hong tu dinga, ^ad
gamsate na siatsakna un, note hong lausak ding hi.
Ahang in, nang in mi sisan na luangsak khin hi;
leitangte, khuapite le a sunga omte na susia khin zo hi.
18 “Mihing khuaktawm ahi nungsang milimte in bang kimanna nei ahi hiam? ^ae
Ahikeh tua milim in zuauthu hong hilh bek hi lo ahi hiam? ^af
Ahang in, a bawlpa in ama piansak muang ahi hi;
amah in a pau thei lo milimte a bawl hi. ^ag
19 Singbek tungah, ‘Nungta in!
ahikeh nuntakna a nei lo suang tungah, ‘Khang lo in!’ a cipa aw, gimna nak thuak na nicia! ^ah
Tua in hong makaih thei ahi hiam?
Tua pen ngun le khamin kituama; ^ai
a sungah huu a om kei hi.
20 Ahi hangin TOPA a biakinnpi siangtho sungah om hi; ^aj
leitung ama mai-ah daidide-in om uh hen,” a ci hi. ^ak